Polo peche de camas, polo deterioro da atención primaria, polo acoso á sanidade pública

Creación do Consello Local de Saúde de A Coruña o 30 de outubro de 2018

venres, 31 de xullo de 2015

Segundo este individuo a atención primaria ou se integra ou desaparece. "Estes" son os que xestionan a sanidade pública

Este señor, di o video, que é "xerente" dun hospital de Madrid. Ademais debe pensar que é moi listo.
Se non tivese micrófonos, afirma, a atención primaria debería desaparecer. Despois dese comentario que importa o que diga despois?. Pobres madrileños. Tiveron a oportunidade e non botaron a este persoal para as antípodas.
A ver o próximo ano que facemos os galegos.


martes, 28 de xullo de 2015

Reunión de SOS Sanidade Pública Coruña co Alcalde Xulio Ferreiro e a concelleira Silvia Cameán

SOS Sanidade Pública Coruña foi recibida no concello polo Alcalde Xulio Ferreiro. Estaba presente tamén na reunión a concelleira Silvia Cameán.

Acordan establecer liñas de colaboración na defensa e mellora da sanidade pública.
SOS informa e solicita colaboración do Concello para a celebración dunhas xornadas de saúde en outono nas que se falaría de promoción de saúde (moi importante desde o ámbito municipal), participación cidadá e sostenibilidade so sistema sanitario.



Gasto sanitario por habitante. Datos de 2013 (Voz de Galicia). Feijoo reducíuno en 465 millóns entre 2009 e 2014

Temos moito que mellorar no gasto sanitario galego.
Feijoo reducíu o gasto sanitario en 465 millóns de euros entre 2009 e 2014.
Pensa en 465 millóns menos cada ano e imaxina o que significa en redución de servizos.
Grazas ás políticas de miseria de Feijoo.



sábado, 25 de xullo de 2015

A "sostenibilidade" de Rocío Mosquera. Cando vai demitir?

 A conselleira bótalle a culpa á poboación por:
- analfabeta en autocoidados
- non tolerar a enfermidade
Di que hai un mal uso dos recursos preventivos pero non se pregunta por qué
Di que hai un incremento de hospitalizacións pero non se sinte culpable
Di que hai ou haberá un aumento da taxa de mortalidade e non dimite

VER:

Rocío Mosquera: Ou facemos reformas ou a sanidade pública é insostenible


Na Voz de Galicia do 23 de xullo de 2013:

"En dicho foro, la titular de la cartera alertó: «O tomamos medidas a medio y largo plazo, o el sistema será insostenible». Del supuesto coste inasumible de la sanidad para las arcas públicas culpó a una «deficiente alfabetización» de la población en materia de salud, algo «imprescindible». En una serie de males concretos que precisan urgente atención mencionó también «una inadecuada autogestión de la enfermedad, un mal uso de los recursos preventivos, un incremento de las hospitalizaciones, mayores gastos sanitarios y un aumento de la tasa de mortalidad»."

venres, 24 de xullo de 2015

sábado, 11 de xullo de 2015

Manifestación en Arteixo. Pedindo a vacina da meninxite B

SOS Sanidade Pública apoiou e participou a manifestación convocada o 11 de xullo pola Plataforma de ciudadanos por la salud.
A manifestación baixou pola rúa peatonal do Balneario, facendo parada e un minuto de silencio diante da casa da muller morta pola meninxite B.
Finalmente falaron plataformas convidadas (afectados pola hepatite C, SOS sanidade pública e coordinadora antiprivatización), leuse un manifesto da convocante Plataforma de ciudadanos por la salud e houbo unha solta de globos cos nomes de ANXO, CHUS e VACUNA XA.


Moncho Veras, en calidade de portavoz de SOS Sanidade Pública, dixo as seguintes palabras: 


"SOS SANIDADE PÚBLICA apoia e agradece á Plataforma de ciudadanos por la salud por manter esta loita en defensa da sanidade pública, para conseguir para todos que a vacina da meninxite B estea no calendario e sexa accesible e gratuíta para todos. A estas mobilizacións nos obrigan tanto Rajoy como Feijoo.


Por que Que fixo o goberno de Rajoy estes anos? Él di que nos está SALVANDO, que grazas a él e ao seu goberno XA estamos mellor que antes, di que as súas políticas son as mellores


RAJOY nada máis chegar ao goberno:


- perdeuse a universalización da sanidade. Xa non é un sistema para todos. Cerca de nós é fácil encontrar xente que non ten seguro. Grazas Rajoy por salvarnos.

- puxo o copago polos medicamentos. Non lle importa que haxa xente que deixa de usalos por non poder pagalos. Grazas Rajoy por salvarnos.

- aumentou o copago polas próteses. Quería poñer copago por ambulancias aínda que conseguimos paralo. Grazas Rajoy por salvarnos.

- liquidou o sistema de dependencia. Grazas Rajoy por salvarnos.

- ao mesmo tempo o seu partido non parou de privatizar o que puido da sanidade pública en todas as CCAA nas que gobernou.


E FEIJOO, alumno aplicado destoutro elemento, que fixo?


Pois


- Entre o ano 2009 e o 2014 baixou o presuposto de sanidade 465 millóns de euros. No Estado baixou un 10%. Aquí baixou un 12,30%

- No mesmo período de 2009 a 2014 perdemos 2100 traballadores no SERGAS, o 6% do persoal.

- Privatizou o que puido: o novo hospital de Vigo, mantemento, tecnoloxía, historia clínica, e todo o que vedes nun hospital que non teña bata blanca. Aquí tamén quería privatizar o centro de saúde de Vilarrodrís.
E así unha cousa tras outra.
Grazas a estes maravillosos xestores agora temos máis listas de espera, un sistema sanitario con menos recursos e persoas enfermas como os afectados pola hepatite C tiveron que saír á rúa para conseguir un medicamento que lles salvase a vida, nada máis e nada menos. Estamos falando da súa vida.

 

E grazas a estes maravillosos xestores as familias tiveron que recorrer moitos kilómetros para conseguir unha vacina da meninxite B, alarmados ante as mortes dos seus veciños ou amigos.
Antes das eleccións municipais tanto Feijoo como Calvelo, o Alcalde de Arteixo, puxéronse detrás da pancarta par pedirlle ao Ministerio que permitise a dispensación en oficinas de farmacia, que fose accesible, pero despois das eleccións DESAPARECERON. ONDE ESTÁS CALVELO QUE NON SE TE VE? ONDE ESTÁS? XA NON PRECISAS POÑERTE DETRÁS DA PANCARTA COA XENTE DO TEU POBO?
Ademais son uns incompetentes: a última foi que pechan camas no hospital, máis de 200, mentras se colapsa urxencias.
Non, Grazas pero non nos salvedes máis.
Agora imos salvarnos nós de vós. Temos que vacinarnos para que non nos poidades facer máis dano por unha longa temporada. E temos a vacina: O noso voto.
Así que, para defender os nosos dereitos, para defender a saúde de todos temos que largar canto antes a esta tropa moi lonxe de nós.

ADIANTE!

PARA QUE NOS ESCOITEN!


 A MANTER A LOITA!"

venres, 10 de xullo de 2015

Manifestación en Arteixo o 11 de xullo ás 12 horas, para reclamar a Vacina da Meninxite B

A manifestación é convocada pola Plataforma Ciudadanos por la Salud

Iníciase na avenida do Balneario (peatonal, á altura da parada de taxis).

Sábado 11 de xullo ás 12 horas.

Participarán tamén
- plataforma de afectados pola hepatite C
- SOS Sanidade Pública
- Coordinadora antiprivatización da sanidade pública
Despois lerase un manifesto e soltaranse globos cos nomes de ANXO, CHUS e VACUNA YA


mércores, 1 de xullo de 2015

Concentración silenciosa en Arteixo, convocada pola plataforma que reclama a vacina da meninxite B

Mar Golpe informa:

A Plataforma de ciudadanos por la salud de Arteixo convoca un acto o venres 3 de xullo en Arteixo:

"Este viernes a partir de las 10:30 de la noche estaremos en el anfiteatro pidiendo la introdución de la  vacuna de la meninjitis en el calendario vacunal. Cada persona q quiera asistir si puede q lleve una vela.
La vela es para hacerle un pequeño homenaje a Anxo pues ese día hace 3 meses que se fue al cielo.
Será una concentración silenciosa y pacífica.
Ahhh y un apunte ...no os preocupéis por lo de la ley mordaza pues cada concentración o manifestación q hagamos. Será con permisos...lo q menos queremos son problemas."

Acto 25 de xuño de SOS Sanidade Pública A Coruña. Contra o peche de camas e bloqueos de consultas en atención primaria



Iniciou o acto Demetrio Vázquez, en representación de SOS Sanidade Pública.


Actuou de presentadora e guía do acto Isabel Risco


No acto participaron a Plataforma de ciudadanos por la salud (Javier Hermo), que reclama a vacina da meninxite B no calendario oficial, e a plataforma de afectados pola hepatite C (Nieves Cabalo).




Tamén estaban convidados os grupos da nova corporación municipal.
Polo BNG participou a concelleira Avia González.


 Polo PSOE participou Mar Barcón.

O PP non asistíu nin contestou ao convite.

Da Marea Atlántica participou Santiago Lamelo, ante a imposibilidade de participar ningún concelleiro.


Finalmente rematou o acto Moncho Veras, en representación de SOS Sanidade Pública, coa lectura do seguinte documento:
Documento de lectura final da concentración por parte de SOS:

A Conselleira de Sanidade Rocío Mosquera di que todos os veráns faise unha reorganización dos servizos. Di que non é un peche de camas senón unha REORGANIZACIÓN e iso é así porque o recurso cama non é tan imprescindible como antes.

Esta señora, cando menos, podería estar calada e non provocar máis.

No CHUAC pechan
31 camas de cirurxía plástica e reumatoloxía
40 camas de neuroloxía
2 camas de UCI
18 camas de reanimimación
14 camas de nenos escolares
13 camas de lactantes
3 de UCI pediátrica
42 da Unidade de coidados contínuos
50 camas de Medicina Interna
15 camas que se usan para cirurxía sen ingreso de Otorrinolaringoloxía, maxilofacial e xinecoloxía e pecha tamén o Hospital de Día do Abente onde a media de cirurxía sen ingreso (que perderemos) é de 25. Aquí faise cirurxía sen ingreso de cirurxía xeral, mama, uoloxía, traumatoloxía, oftalmoloxía, dermatoloxía e tamén se fan aquí colonoscopias con sedación.
Non só no hospital pechan camas. En Atención Primaria bloquean consultas deixando sen médico a moitos pacientes cada día. Estes pacientes, se queren ser atendidos, van pasar á consulta dos médicos que quedan no centro, xa de por si sobrecargados, e van ser atendidos como unha urxencia, a maiores do resto. É un verdadeiro recorte de servizos que o sergas xa ten incorporado como habitual ante ausencias dos profesionais por vacacións ou por baixa laboral.

Que quere dicir a señora conselleira? Que esta chamada reorganización, ou sexa, este peche de camas non vai ter consecuencias sobre a saúde da xente?. Pois minte. Sabemos que si.
Sabemos que a lista de espera aumentará, que os que teñen cataratas terán que esperar ou os enviarán á privada, que os cancros de pel tamén e así en todas as especialidades afectadas.
Sabemos que se hai menos camas para ingresar vai haber maior colapso de urxencias e de feito o luns 22 había xa 42 persoas en espera de cama, algunhas levaban todo o fin de semana, e que o martes había 30. E aínda non están todas as camas pechadas. Agora o que fan é ir bloqueando as camas a medida que van de alta os pacientes das plantas afectadas. Deste modo o 30 de xuño procédese xa ao peche completo.

Obrigan aos pacientes a organizarse para loitar pola súa supevivencia. Temos hoxe aquí a persoas da plataforma de afectados pola hepatite C que, a pesar de que algúns estaba cunha saúde moi precaria, decidiron e saíron á rúa para defender o dereito a vivir. Porque inicialmente o goberno negáballes o tratamento e de modo privado, dado o seu prezo, só uns poucos poderían conseguilo. Queremos agradecervos a vosa loita porque ao final foi e é unha loita de todos para recuperar e defender os nosos dereitos.

Temos aquí tamén a persoas que viron como morreron de meninxite dúas persoas, dous veciños, e colleron medo. Quen non! Non podía ser doutra maneira. Organizáronse e montaron unha plataforma en Arteixo para pedir que a vacina da meninxite B se inclúa no calendario oficial. Para que a xente deixe de desprazarse a Portugal a mercar a vacina. Para que todo o mundo, rico ou pobre, con coche ou sen él, poida acceder á vacinación simplemente indo ao seu centro de saúde.

Desde SOS queremos agradecer estas loitas porque son loitas que van favorecer a toda a poboación.

Agradecemos tamén a presenza neste acto aos grupos da nova corporación municipal de A Coruña.

O 24 de maio foron as eleccións municipais e na Xerencia do Hospital estiveron calados como petos ata o día 25. Ese luns pola mañá empezaron a informar ás plantas do hospital que tiñan pensado pechar. Non dixeron nin pío ata ese día, non fose que non lle gustase á cidadanía. Non lles pagou a pena. O desastre electoral foi maiúsculo.

A xente, farta de corrupción, de recortes, de abusos e de incompetencia botou ao PP de moitos espazos de poder.

A xente decidíu que entrase aire fresco nas institucións e que se abrise un periodo novo no que o diálogo, a participación e a transparencia fosen protagonistas. Desde SOS esperamos que sexa así, que se conte con todo o mundo (non só cos da rede interna) e que poidamos entre todos darlle a volta a este desastre social que estamos vivindo.

Pedimos ao Sergas e á Xerencia do Hospital que aprendan dos novos tempos, que deixen de facer recortes e que poñan ao hospital dispoñible en toda a súa capacidade de camas e de actividade tanto médica como cirúrxica. E que deixen de bloquear as consultas nos centros de saúde.

SOS Sanidade Pública vai continuar denunciando cada recorte, cada privatización e cada dereito que nos queiran sacar.

Berremos todos moi forte:


RECORTES NON, SAÚDE SI



GRAZAS A TODAS AS PERSOAS ASISTENTES. XUNTOS DEFENDEMOS A SANIDADE PÚBLICA, DEFENDEMOS OS NOSOS DEREITOS A UNHA VIDA SAN E DE CALIDADE

UNHA APERTA