Polo peche de camas, polo deterioro da atención primaria, polo acoso á sanidade pública

Creación do Consello Local de Saúde de A Coruña o 30 de outubro de 2018

xoves, 17 de xaneiro de 2019

A Atención Primaria de A Coruña tamén se move para mellorar a atención sanitaria

 
Un grupo de alrededor de cien facultativos de familia del área de A Coruña se reunieron este martes en el Colegio de Médicos con el «obxectivo de poñer en común a situación asistencial dos centros de saúde desta área e propoñer solucións que a melloren», según Rexina Basadre.
En el encuentro participaron médicos de los centros de salud del Ventorrillo, Os Mallos, Monte Alto, Federico Tapia, Elviña, Adormideras, Abente y Lago, San Xosé, Los Rosales, Labañou, Casa do Mar, Betanzos, Culleredo, Perillo, Temple, Bergondo, Arteixo, Abegondo, Carballo, Cesuras, Muxía, Vimianzo, Cee, Cambre, Camariñas, Portádego, Malpica, Laxe e Mera. También se sumaron a la reunión médicos eventuales y de los puntos de atención continuada (PAC).
Ahí se acordó «facer unha recollida de sinaturas en apoio dunha serie de reivindicacións (pendente de rematar) para enviarlla logo á Consellería de Sanidade; coordinarse con outros grupos de médicos doutras áreas sanitarias de Galicia para promover mobilizacións conxuntas, E ter unha nova reunión o 24 de xaneiro onde se acordarán novas mobilizacións».

La Opinión de A Coruña




xoves, 6 de decembro de 2018

Denuncia da "contención mecánica" nos centros sanitarios. O movemento galego de saúde mental convoca para o 8 de decembro á unha da tarde no Obelisco de A Coruña

A contención mecánica de persoas ingresadas en centros de carácter sanitario ou residencial é unha practica máis frecuente do que a sociedade se imaxina. Con ese termo noméase a acción mediante a cal se inmobiliza con correas a unha persoa, fixándoa xeralmente a unha cama.
A contención mecánica é unha actuación sobre a persoa que reduce a súa autonomía ao mínimo imaxinable (en rigor só ao espazo que fisicamente ocupa o seu corpo), que ten efectos daniños que potencialmente poden ser moi graves, que conmove, incomoda e dana con moita frecuencia a quen se lle encomenda realizala.
Esta práctica, aplicada a persoas atendidas nas institucións psiquiátricas, é considerada unha vulneración da Convención dos Dereitos das Persoas con Discapacidade.
A súa existencia é un signo de grave atraso asistencial na atención a persoas con trastornos psíquicos. Tamén é a expresión dunha concepción inaceptable do sufrimento psíquico e da práctica profesional para a súa asistencia.
A contención mecánica é daniña para quen a sofre a para quen a realiza.
Nos últimos anos téñense presentado diferentes iniciativas para avanzar cara á súa erradicación.
En Galicia a situación da súa práctica é descoñecida pero a percepción é de incremento moi preocupante, con situacións coñecidas escandalosas.
Co obxecto de sensibilizar á sociedade, denunciar esta práctica e promover iniciativas cara a súa superación, dende o Movemento Galego da Saúde Mental iniciamos unha campaña que dará comenzo cunha acción que consistirá en conter mecanicamente unha persoa no espazo público, no centro da Coruña (no Obelisco) para que todos saibamos o que é isto.
Convocamos a tódalas persoas e a medios de comunicación social o próximo sábado 8 de decembro ás 13.00 horas no Obelisco na Coruña.

En Santiago a 5 de decembro de 2018

MOVEMENTO GALEGO DA SAÚDE MENTAL
http://movementogalegosaudemental.gal/
https://www.facebook.com/movementogalegodasaudemental
https://twitter.com/MGSaudeMental


xoves, 29 de novembro de 2018

Consello Local de Saúde de A Coruña. Elixida a vicepresidencia e o comité permanente



Publicado no facebook do Concello (fotos e texto):

O Pazo de María Pita acolleu a segunda xuntanza do Consello Local de Saúde, o órgano de carácter consultivo que naceu o pasado mes de outubro como un espazo de asesoramento e participación nas políticas municipais que teñan incidencia na mellora da saúde da veciñanza.
Nesta sesión, o Consello escolleu a entidade que ocupará a vicepresidencia do organismo (Agalure), e as que exercerán de vogais na comisión permanente: Facultade de Ciencias da Saúde -UDC, Colegio Oficial de Farmacéuticos de A Coruña, SOS Sanidade Pública, ABAC - Asociación de Bulimia y Anorexia de A Coruña, Asociacion Coruñesa de Epilepsia, Facultad de Fisioterapia UDC e Colegio de Terapeutas Ocupacionales de Galicia. Cotoga.

Mesa Redonda sobre a situación da Psicoloxía Clínica o día 1 no hospital de Oza


domingo, 4 de novembro de 2018

Eutanasia. Tema a debate

Será posible que Ana Pastor, PP e Ciudadanos deixen de manipular a mesa do Congreso e permitan que se debatan os proxectos de lei referentes a eutanasia?

Lembramos está pendente a lei presentada polo PSOE sobre eutanasia e tamén hai unha proposta de lei desde o parlamento de Cataluña sobre despenalización da axuda a morrer. Diferente pero tamén pendente hai unha lei de coidados paliativos de Ciudadanos e non foi aceptada a primeira que se presentou nesta lexislatura sobre eutanasia por parte do grupo Podemos/En Marea.

xoves, 1 de novembro de 2018

Constitúese o Consello Local de Saúde de A Coruña o 30 de outubro

Gran satisfacción en SOS Sanidade Pública pola constitución do Consello Local de Saúde de A Coruña


Desde o 30 de outubro a cidadanía coruñesa conta cun instrumento que é unha oportunidade para a saúde
Ligazón á información de coruna.gal




O alcalde destaca a importancia deste órgano consultivo posto en marcha polo goberno local “que servirá para desenvolver políticas sanitarias e de prevención dentro do marco da administración local, así como debater sobre asuntos capitais, como a ampliación e as necesidades actuais do Chuac”.


O pazo de María Pita acolleu esta mañá a constitución do Consello Local da Saúde, un ente de carácter consultivo, que supón un avance na consolidación da Coruña como cidade saudable. Presidido polo alcalde, Xulio Ferreiro, e integrado por distintas entidades do ámbito da saúde, ten como obxectivo crear un novo espazo de participación e debate no que acordar e impulsar propostas neste ámbito, así como poñer en marcha accións orientadas á mellora da calidade de vida da cidadanía. Impulsado polo goberno local e, en concreto, pola Concellería de Xustiza Social e Coidados, o Consello da Saúde conta neste momento coa adhesión de 28 asociacións e federacións do ámbito socio-sanitario, ademais da representación do goberno local e do resto de formacións con representación na corporación municipal. O rexedor salientou ante os medios que este novo órgano "debe servir como lugar de encontro e de diálogo para o deseño de políticas, especialmente de prevención que é o onde temos máis competencias, pero tamén como foro no que traer discusións sobre temas capitais como, por exemplo, a solución máis acaída para a necesaria ampliación do Chuac ou as súas necesidades actuais ".

Ferreiro tamén destacou o feito de que a iniciativa do Consello Local da Saúde "obtivo unha gran resposta dende o primeiro día por parte das entidades socio-sanitarias da cidade así como polo resto de formacións políticas con representación na corporación". "Hai asuntos de cidade nos que é necesario que todos rememos do mesmo lado, a saúde é un deles", apuntou.

Cidade de Coidados

Pola súa banda e durante o acto de constitución, a concelleira de Xustiza Social, Silvia Cameán, salientou que o Consello Local da Saúde é un novo paso dentro da liña de actuación posta en marcha polo goberno local para promover e protexer a saúde o benestar da veciñanza de cara "á consolidación da Coruña como unha Cidade Saudable, unha cidade que coida de todas as persoas que viven nela". "Neste tempo implementamos unha Renda Social Municipal que permite cubrir as necesidades básicas das persoas, melloramos o plan de prevención de drogodependencias mediante a posta en marcha de novas accións comunitarias como Educación na rúa ou a permuta de sancións a menores por consumo de alcohol por cursos de sensibilización, incrementamos os programas educativos que traballan hábitos saudables e abrimos os patios dos colexios en período non lectivo para fomentar o deporte e outras alternativas saudables", enumerou. "Fixemos moitas cousas, pero debemos seguir facendo, xa que a nosa cidade necesita que sigamos construíndo ferramentas e facendo camiño. Temos grandes retos, como o forte envellecemento ou a saúde mental e debemos afrontalos dende a coordinación coa rede sanitaria e socio-sanitaria", indicou, á vez que recordou que o Consello Local da Saúde queda suxeito á incorporación de máis colectivos, se así o solicitasen.

Ademais de representantes do goberno local e do resto de formacións da Corporación, o Consello Local de Saúde quedou constituído coa participación dos sindicatos CCOO, UGT, CIG e CSIF, ademais da Facultade de Ciencias da Saúde e de Fisioterapia da UDC, os colexios oficiais de Fisioterapeutas de Galicia, o de Farmacéuticos,  Médicos, Odontólogos e Estomatólogos da Coruña, Traballo Social e Psicoloxía de Galicia, Cruz Vermella, Asociación de Bulimia e Anorexia da Coruña, Asociación de Axuda a Familiares de Drogodependentes, Asociación de Nenos con Déficit de Atención e Hiperactividade, Asociación Cidadá de Loita contra a Droga, Federación Galega de Enfermidades Raras e Crónicas, Asociación Parkinson Galicia, Asociación Galega de  Fibrosis Quística, Asociación Coruñesa de Epilepsia, Asociación Pro Enfermos Mentais da Coruña, Asociación de Familiares de Enfermos de Alzheimer, Liga Reumatolóxica Galega, Agalure, Asociación Coruñesa de Fibromialxia e Fatiga Crónica e SOS Sanidade Pública.