Polo peche de camas, polo deterioro da atención primaria, polo acoso á sanidade pública

Creación do Consello Local de Saúde de A Coruña o 30 de outubro de 2018

mércores, 11 de marzo de 2015

Entrevista na Opinión a Luís García, da asociación de prevención do glaucoma

Xoves 12, charla informativa na AAVV de Mesoiro Vello

Nieves Cabalo, da Plataforma de afectados pola hepatite C e Ramón Veras, de SOS Sanidade Pública, participan nunha charla o xoves 12 ás 17:30 horas na AAVV de Mesoiro Vello.
De novo as privatizacións e a hepatite C serán protagonistas do debate. Mañá tamén haberá oportunidade de comentar o informe sobre desgualdade no acceso aos servizos sanitarios que a Consellaría quería silenciar.


venres, 6 de marzo de 2015

O relato das afectadas pola Hepatite C na AAVV da Agra do Orzán impresiona aos asistentes

Transparencia na xestión. Acceso aos novos tratamentos a todos os afectados. Dereito á vida. Nieves Cabalo e Elena Rivas, en representación da Plataforma de afectados pola hepatite C e Ramón Veras, en represenación de SOS Sanidade Pública repasaron a actualidade sanitaria galega e a situación que están vivindo os afectados pola hepatite C. 
Os asistentes quedaron impresionados, impactados polo relato, a forza e a convicción das afectadas pola hepatite C. Impresionados pola súa loita pola vida e o seu compromiso coa sanidade pública. Un exemplo para todos.
Fixeron un chamamento á participación na manifestación da Coruña en defensa da sanidade pública o próximo 19 de marzo. Unha actuación conxunta co resto de plataformas do país. Ese día toda Galiza vai saír á rúa a defender o noso dereito á saúde.



xoves, 5 de marzo de 2015

10000 millóns menos para sanidade desde 2009 ata 2013

Así se comportaron os gobernos nestes anos de crise. Desde 2009 baixou o orzamento sanitario en 9933 millóns de euros. Só desde 2011 ata 2012, primer ano do goberno de Rajoy descendeu o presuposto en 5200 millóns. Menos mal que a sanidade era unha liña 'roja' que non pasaría.



domingo, 1 de marzo de 2015

Manifesto lido por Xulia Alonso na manifestación convocada pola Plataforma Galega de afectados pola Hepatite C

Manifestación emotiva e con moita forza hoxe en Santiago. Convocada pola Plataforma Galega de afectados pola Hepatite C. Apoiada por SOS Sanidade Pública.
Polo dereito á saúde. Non ao negocio antes que á saúde.
Advirten que loitarán ata o final.