10 PODEROSAS RAZÓNS para participar na manifestación convocada por SOS Sanidade Pública na Coruña

10 PODEROSAS RAZÓNS para participar nas mobilizacións de SOS SANIDADE PÚBLICA O XOVES 19 DE MARZO. Na Coruña a manifestación sae ás 8 da tarde da Casa do Mar. #19M_SOS_Sanidade_Publica

 1. A saúde é o máis importante, dámonos conta cando falta, e as políticas de recortes e privatizacións póñena en perigo

2.     A asistencia sanitaria non é gratuíta. Pagámola entre todos cos nosos impostos. O goberno non nos regala nada, estámola pagando e debemos esixir o noso dereito a unha asistencia de calidade.
3.     A asistencia sanitaria en xeral ten custes altos. Salvo para quen ten moitos cartos a maioría non poderiamos pagar o tratamento dun cancro ou outra enfermidade importante. Precisamos que a sanidade sexa pública, de todos, e forte.
4.     O PP, aos 4 meses de estar gobernando Rajoy, publicou unha norma que restrinxe a asistencia sanitaria só a quen estea ‘asegurado’. Desaparece o dereito á sanidade para todas as persoas. Mañá podes ser ti ou os teus fillos quen quede sen ese dereito.
5.     Os gobernos español e galego negáronlles aos pacientes con hepatite C a posibilidade de curar e frear a súa enfermidade ao non darlles os novos tratamentos. Só cando se moveron na rúa, cando loitaron polos seus dereitos, pola súa vida o goberno reaccionou e aceptou modificar a súa negra política. Mañá podes ser ti tamén con calquera outra enfermidade.
6.     Feijoo está privaitzando silenciosamente o sergas. Mete o negocio na saúde e fai que o primeiro sexan os cartos e o segundo, co que quede, a asistencia sanitaria. É unha perversión.
7.     Desde a chegada de Feijoo ao goberno reducíuse o presuposto sanitario en 460 millóns de euros, que son moitos millóns, e en 2094 traballadores do sergas. Temos que parar esta sangría suicida.
8.     SOS SANIDADE PÚBLICA organiza o xoves 19 en todas as comarcas galegas. É unha oportunidade para que TODA A POBOACIÓN GALEGA UNIDA BERRE MOI FORTE QUE QUERE SANIDADE PÚBLICA, PARA TODOS E DE CALIDADE. A UNIDADE DANOS A FORZA. As actividades programadas son:
Plataforma da Mariña: 20 horas diante do Hospital da Costa
Plataforma de Santiago: Praza do Toural ás 20 horas
Plataforma do Barbanza: Praza do Concello de Ribeira ás 20 horas
Plataforma de Pontevedra: Hospital Provincial ás 20 horas
Plataforma de A Coruña: Saída da Casa do Mar ás 20 horas
Plataforma de Ourense: Ás 11 horas diante da Subdelegación do Goberno (parque de San Lázaro)
Plataforma de Ferrol:  As 19 horas na Praza de Armas
Plataforma de O Barco: Entrada Hospital Comarcal Valdeorras ás 20 horas
Plataforma de Vigo: Praza de España (Os Cabalos) ás 20 horas
Plataforma de Cangas: Concello de Cangas ás 20 horas
Plataforma de Moaña: Ás 18 horas Centro de Saúde de Moaña

9.     SOS SANIDADE PÚBLICA é quen convoca a manifestación da Coruña e o resto de mobilizacións galegas. SOS SANIDADE PÚBLICA é un esforzo de unidade. Non é algo partidario. Todas as persoas e organizaicóns que formamos parte de SOS (asociacións veciñais, de pacientes, culturais, políticas, sindicais) cedemos en algo, aceptamos non ter protagonismo para lograr un obxectivo común: defender e mellorar a sanidade pública. SOS SANIDADE PÚBLICA É DE FIAR. PARTICIPA NAS MOBILIZACIÓNS CONVOCADAS.
10. Non esperes sentado a que os demais nos movamos por ti. MOVÁMONOS TODOS XUNTOS. PARTICIPA O XOVES 19 NA MANIFESTACIÓN DE A CORUÑA CON SAÍDA DA CASA DO MAR ÁS 8 DA TARDE