Polo peche de camas, polo deterioro da atención primaria, polo acoso á sanidade pública

Creación do Consello Local de Saúde de A Coruña o 30 de outubro de 2018

domingo, 12 de marzo de 2017

14 de marzo: Mobilidade e Baixa visión, a Palestra da Semana Mundial do Glaucoma

Os problemas das persoas con baixa visión non son coñecidos habitualmente polo resto das persoas. No glaucoma falta visión periférica, ou sexa, calquera situación que non aparece de fronte a unha persoa con glaucoma será algo 'sorprendente' e 'co que non conta'. 

Pode un ciclista poñerse no caso da persoa con glaucoma? Pero non só con glaucoma, calquera con baixa visión e calquera que non teña uns reflexos e capacidade altas poden sufrir un traumatismo, que se é unha persoa maior quizais supoña unha fractura de cadeira.

Os avances na mobilidade 'ecolóxica' non poden supoñer, por mal uso das rúas e beirarrúas, un ataque aos dereitos das persoas en xeral, e moito menos daquelas que non dispoñen do cen por cento das súas capacidades. E destas hai moitísimas.

Debería ser unha preocupación prioritaria das autoridades.

Na Semana Mundial do Glaucoma, Luis García, portavoz na Coruña da asociación galega de prevención do glaucoma organiza, en colaboración coa asociación ciclista Crunia, unha palestra sobre mobilidade.

Jeanne Picard, de Stop Accidentes
Daniel Grandío, concelleiro de Mobilidade no Concello de A Coruña
Roberto Rilo, da Asociación de Ciclistas Crunia
Luis García, da Asociación Galega para a Prevención do Glaucoma.

Contarase tamén entre o público con representantes doutros grupos municipais da Coruña.

Ningún comentario:

Publicar un comentario