Peóns, Ciclistas e Mobilidade: Palestra na Semana Mundial do Glaucoma, no ÁGORA

 Nota de prensa

Jeanne Picard e Daniel Grandío, na Palestra de Mobilidade que organiza a  Asociación Galega para a Prevención do Glaucoma o martes 14 no Ágora

Dentro dos actos da Semana Mundial do Glaucoma, que se celebra entre o 12 e o 18 de marzo, a Asociación Galega para a Prevención do Glaucoma organiza na Coruña unha palestra sobre os problemas cotiáns de mobilidade no espazo urbano dos afectados por esta enfermidade que dana a visión.

A palestra contará coa participación de Jeanne Picard, presidenta de Stop Accidentes e experta en cuestións de mobilidade peonil; de Daniel Grandío, o concelleiro de Mobilidade do Concello da Coruña, e de Roberto Rilo, presidente da Asociación de Ciclistas Crunia. Con eles conversará Luís García, responsable na Coruña da Asociación Galega para a Prevención do Glaucoma.

A palestra celebrarase o martes día 14 de marzo no Centro Ágora e comezará ás 19.30 horas. Para a organización desta acto, a Asociación Galega para a Prevención do Glaucoma contou coa colaboración da Asociación de Ciclistas Crunia e de tres medios de comunicación dixitais da cidade: Coruña hoy, Entre Nós e La duda.net.                                                              

Na Coruña, 9 de marzo de 2017

Peóns, ciclistas e mobilidade. Palestra no Ágora

Martes 14 de marzo

19.30 horas

Centro Ágora

Asociación Galega para a Prevención do Glaucoma

Luís García: 650 85 64 45